都俾妈妈既惊慌样吓番转头，即时将手上既东西掉哂落地上“下…唔係呀唔係呀！！你误会啦，May姐！我……我无恶意架…！”

    妈妈无理会到OK仔既说话，继续向后退讲“你…仲想点呀……！”

    OK仔“唔係呀May姐，我黎…带你返屋企架！…”

    妈妈继续退，终于退到牆边，无得再退了，然后讲“你唔好行埋黎呀！”

    但OK仔仍然继续向前，继续解释“你信我啦May姐！我真係带你返屋企架！”

    妈妈背嵴靠住牆继续好惊咁望住OK仔讲：“唔洗……我自己识……你行开……”

    妈妈见ok仔无反应，再大声喝“弹开呀！你袭架！”

    OK仔被妈妈超大声既喝声，吓到即时连续退后十步！“得得得！拿…我同你保持距离！咁你放心啦！”

    妈妈见到OK仔同自己有一定既距离，先安心慢慢打开老豆房门，然后再好小心地转身，望实OK仔一举一动，再进入老豆房。《据说天才只需一秒就能记住,发布地址:kanqita.com》

    老豆房既厕所门一打开，光线即透射入老豆房，所以『老豆萤光幕』亦隐隐约约见到房内既情况，见到妈妈入房后，仍然双眼望住OK仔倒后行，以防OK仔玩野，但当阿妈行到SOFA度，见到老豆同洪爷睡到成隻猪咁，即时捉住老豆双手勐咁FING，不停地讲“老公！老公！醒啦！老公！返屋企啦！！”

    “喂呀！喂呀！老公呀！”

    但无论妈妈点fing法，老豆仍然感觉唔到，于是妈妈双手捉住老豆个头勐咁摇黎摇去“喂呀！醒呀！醒呀！！！”

    “火灾呀！死人啦！！！起身呀！！！”

    “死人陈福荣！死人陈福荣！！！”妈妈不停向住老豆又打又嗌！

    无论妈妈用咩方法『拳打脚踢』『超音波』，但老豆仍然原封不动係sofa上训教！仲要好大既打鼻声。

    （唉！老豆平时睡觉都好难叫得醒，何况宜家仲要饮醉酒！我谂就算成盘冷水泼埋去都未必醒！）妈妈係老豆面前大打大闹几分钟，叫到气都喘埋，终于好失望咁跌左係地上，双脚分开地坐係老豆面前，个样好似想喊咁。

    而OK仔企係门口度，望-->>

本章未完，点击下一页继续阅读